Мьянманинг Чин штати, Хакха шаҳридаги турар-жойда рўй берган портлаш оқибатида олти киши, жумладан, чақалоқ нобуд бўлди. Бу ҳақда «РИА Новости» хабар бермоқда.
Маълумотларга кўра, портлаш бир уйни буткул вайрон қилган, қўшни уйлар ҳам жиддий шикастланган. Турар-жойда бўлган олти кишининг барчаси, жумладан, чақалоқ ҳам ҳалок бўлган. Тергов уйда қўлбола бомба портлаган бўлиши мумкинлигини тахмин қилмоқда, чунки унинг вайроналарида портловчи модда зарралари топилган.
Ҳодиса содир бўлган Чин штати Бирмада (Мьянманинг аввалги номи) 1949 йилдан ўтган асрнинг 90-йилларигача давом этган фуқаролик уруши чоғида кўплаб тўқнашувлар майдонига айланган, бироқ кейинги пайтларда бу ҳудудда этник қуролли гуруҳлар ва ҳукумат қўшинлари ўртасида тўқнашувлар юз бермаганди.
Изоҳ (0)