Belgiya politsiyasi 23-noyabr, dushanba kuni bombalar qo‘yilgani haqida uchta yolg‘on xabar oldi. Bularning ikkitasi, go‘yo, Antverpendagi maktablarga, bittasi Bryusseldagi cherkovga joylangan. Bu haqda RTBF telekanaliga tayanib, “TASS” xabar berdi.
Xabar kelib tushgach, politsiya Bryusseldagi Sen-Pyer cherkovi, shuningdek, Antverpendagi ikki maktab binosini evakuatsiya qildi, biroq portlovchi qurilmani topa olmadi.
Nashr ta’kidlashicha, Belgiyada so‘nggi bir hafta ichida politsiyaga ehtimoliy portlash tahdidlari haqida fuqarolardan kelib tushgan xabarlar bo‘yicha bir kunda o‘rtacha besh-yettita bino tekshiruvdan o‘tkazilmoqda.
Izoh (0)