Osiyoda 2015-yilning eng yaxshilarni aniqlash marosimi Hindiston poytaxti Nyu-Deli shahrida bo‘lib o‘tadi. OFK rasmiy saytining ma’lumot tarqatishicha, qit’ada yilning eng yaxshi futbolchisi bo‘lishi mumkin bo‘lgan o‘yinchilar soni 3 tagacha qisqartirildi, deb xabar beradi “Sports.uz”.
Unga ko‘ra, BAAlik futbolchilar Ahmad Halil va Omar Abdulrahmon hamda xitoylik Jeng Jilar 2015-yilning eng zo‘r futbolchisi bo‘lish uchun da’vogar deya e’tirof etilmoqda.
Nomzod futbolchilarning 10 talik ro‘yxatidan o‘zbekistonlik Sardor Rashidov ham o‘rin olgan edi. Ammo yakuniy ro‘yxatdan joy olish O‘zbekiston milliy terma jamoasi a’zosiga nasib etmadi.
Ayol futbolchilar orasida esa Aya Miyama (Yaponiya), Eliza Kellond-Nayt (Avstraliya) va Rumi Utsugi (Yaponiya)lar g‘oliblik uchun kurash olib boradi.
G‘oliblar 29-noyabr kuni bo‘ladigan gala-konsert davomida ma’lum qilinadi.
Izoh (0)