“O‘zekspomarkaz” milliy ko‘rgazma majmuasida Sport World Uzbekistan — sport uskunalari, ashyolari va sport kiyimlari ko‘rgazmasi o‘z ishini boshladi. Bu haqda “O‘zavtosanoat” AK Axborot xizmati xabar qilmoqda.
Unda O‘zbekistondagi sport jihozlari va uskunalarini ishlab chiqarishga ixtisoslashgan korxonalar o‘z mahsulotlari bilan ishtirok etmoqda. Ular orasida “O‘zavtosanoat” AK tizimida faoliyat yuritayotgan 10 dan ortiq korxonalar ham mavjud.
Shuni alohida ta'kidlash kerakki, so‘nggi yillarda kompaniya tizimidagi korxonalar, nafaqat avtomobil zavodlariga butlovchi qismlar yetkazib berish, balki xalq iste'moli mollari va sport jihozlari ishlab chiqarishni ham yo‘lga qo‘yib, mahsulotlari turini yildan-yilga ko‘paytirib bormoqda. Mazkur korxonalarda ishlab chiqarilgan futbol, basketbol, voleybol, gandbol, katta tennis koptoklari, sportning yengil va og‘ir atletika turlari uchun zarur bo‘lgan barcha jihozlar, sport oyoq kiyimlari ishtirokchilarga manzur kelmoqda.
Ko‘rgazma 20-noyabrgacha davom etadi.
Izoh (0)