Belgiya politsiyasi Parijdagi teraktlar bilan bog‘liq bir necha kishini hibsga oldi, deya xabar bermoqda “Liga.Novosti” Belgiya adliya vaziri Kun Geensga tayanib.
Avvalroq politsiya Bryusselning Molenbek tumanida Parijdagi teraktlar seriyasi tufayli reyd o‘tkazgan edi. Huquq himoyachilari taxminiga ko‘ra, hibsga olinganlardan biri jangarilarning ikkinchi guruhiga qo‘mondonlik qilgan va 13-noyabr, jumadan shanbaga o‘tar kechasi Fransiyadan Belgiyaga qochib o‘tgan.
Gumonlanuvchilar hibsga olingan joy yaqinidan Belgiya raqamiga ega avtomobil topilgan. Politsiya fikricha, guruh boshlig‘i va, ehtimol, boshqa jangarilar ham aynan shu mashinada qochgan.
Eslatib o‘tamiz, Parijdagi teraktlar ketma-ketligi 13-noyabr oqshomida yuz berdi. Terrorchilar “Stad de Frans” stadioni yaqinida bomba portlatdi, bir qator restoranlar va konsert zalidagi tomoshabinlarga qarata o‘t ochdi. So‘nggi ma’lumotlarga ko‘ra, teraktlar oqibatida 128 kishi halok bo‘lgan.
Izoh (0)