Turkiyada 15-noyabr, yakshanbadan “Katta yigirmatalik” davlatlari rahbarlarining sammiti o‘z ishini boshlamoqda. Anjuman kun tartibiga Parijdagi teraktlar kelib chiqib, o‘zgartirishlar kiritildi. Bu haqda “Exo Moskvi” xabar bermoqda.
G20 yetakchilari muhokamalarni terror va unga qarshi kurash mavzusi bilan boshlaydi. Parijga uyushtirilgan hujumdan so‘ng shunday qarorga kelingan. Yevroittifoqqa yopirilayotgan muhojirlar oqimi bilan bog‘liq muammolar ham asosiy mavzuga aylanadi.
Shuningdek, sammit ishtirokchilari dunyo iqtisodiyoti, XVJ islohoti, soliq solish tizimini takomillashtirish, iqlim o‘zgarishlari, savdo sohasida sherikchilik va Ukrainaning Rossiyadan qarzi masalalarini ham muhokama etishi kutilmoqda.
Izoh (0)