Rossiya davlat dumasi deputati Aleksandr Staravoytov Bosh prokuraturaga Facebook, “Odnoklassniki” va boshqa ijtimoiy tarmoqlar shaxsiy ma’lumotlarni himoya qilish to‘g‘risidagi qonunchilikka rioya etayotganini tekshirish to‘g‘risidagi iltimos bilan murojaat etdi. Bu haqda “RIA Novosti” xabar bermoqda.
Davlat dumasi deputati bunday tekshiruv Bryussel sudi yaqinda qabul qilgan qarordan kelib o‘tkazilishi lozimligini bildirgan. Mazkur qarorga ko‘ra, Facebook maxsus dasturiy ta’minot yordamida Belgiyadagi internet foydalanuvchilarini kuzatishda davom etsa, kuniga 250 ming yevro to‘lashi kerak bo‘ladi. Bu talabni bajarish uchun sud ijtimoiy tarmoqqa 48 soat muddat bergan.
Ma’lum bo‘lishicha, Facebook hatto ushbu ijtimoiy tarmoqda ro‘yxatdan o‘tmaganlarni ham internetdagi faoliyatini kuzatib borgan.
Izoh (0)