Meksika Federal politsiyasi va prokuratura xodimlari Chiapas shtatidagi Tapachula tumanida joylashgan qahva plantatsiyalarida 50 dan ziyod yosh bolani mehnat qulligidan qutqardi, deya xabar bermoqda “Korrespondent.net”.
Voyaga yetmaganlarning barchasi va ularning ota-onalari — jami 18 ta oila Gvatemala fuqaroligiga ega. Ushbu 18 ta oilada umumiy hisobda 54 nafar voyaga yetmagan bola bo‘lgan.
Gvatemalaning Chiapasdagi bosh konsuli so‘zlariga ko‘ra, ular haftada olti kun o‘n soatdan ishlab, qahva donalarini tergan. Ularga qahvaning har bir kilogrammi uchun bor-yo‘g‘i 1,5 peso (0,09 dollar) berishgan va ularni nochor boqishgan.
Hukumat vakillari plantatsiyalar xo‘jayinlarini bolalarni ekspluatatsiya qilgani uchun jarimaga tortdi. Shundan so‘ng oilalarning barchasi Gvatemalaga qaytib ketdi.
Izoh (0)