Rossiyaning “Birinchi kanal”i efirida maxfiy hujjat tasviri paydo bo‘lgani haqidagi xabarlardan so‘ng prezident ma’muriyati tomonidan qabul qilingan choralardan biri sifatida, jurnalistlarga majlislarni ularda Vladimir Putin paydo bo‘lmagunicha tasvirga tushirish taqiqlandi, deya xabar bermoqda Meduza.
Endi Kreml binosiga kiradigan jurnalistlarga telefonlarni topshirish majburiyati yuklandi, majlisga Putin kirib kelgunicha esa tele- va fotokameralar devorga qaratilishi kerak.
Eslatib o‘tamiz, Rossiya prezidenti Vladimir Putin 9-noyabr kuni mudofaa-sanoat kompleksini rivojlantirish masalalari bo‘yicha majlis o‘tkazdi. Telereportajga “Status-6” ko‘p maqsadli okean tizimi tilga olingan hujjat tasviri tushib qoldi. Prezident matbuot kotibi Dmitriy Peskov efirda haqiqatan ham maxfiy hujjat ko‘rsatilganini tasdiqladi — kadrlar telekanallar saytlaridan olib tashlandi.
Izoh (0)