“O‘zbekiston” teleradiokanali buyurtmasiga asosan rejissyor Ergash Mo‘minov tomonidan “Zurriyod” nomli 50 qismli serial suratga olinmoqda. Bu haqda “Darakchi” gazetasi xabar bermoqda.
“Ayni damda Oqtoshdagi Xondayliq qishlog‘ida suratga olish ishlari bilan bandmiz. Jarayon fevral oyiga qadar davom etadi. Serial may oyining oxirida ekran yuzini ko‘radi”, — dedi rejissyor.
Ko‘p qismli telemahsulotda Dilniyoz G‘afforova, Sevara Soliyeva, Bahodir Musayev, Xurshid To‘xtayev, Sherzod Boymurodov kabi aktyor-aktrisalar, shuningdek, Muqaddas Xoliqova, Dono Boboxonova, Xosiyat Husanova, Tohir Saidov, Ma’rifat Ortiqova kabi 60 ga yaqin teatr aktyorlari suratga tushmoqda.
Qayd etishlaricha, dastlabki 20 qismi ekranga chiqqach, 2016-yil yoz oylarida serialning ikkinchi faslini suratga olish ishlari boshlanadi. Unda birinchi fasldagi 25 yoshli qahramonlarning 50 yoshdagi taqdiri ko‘rsatib beriladi.
Izoh (0)