Qiziqchi Shukrullo Isroilov aktrisa va so‘z ustasi Halima Ibragimova bilan qanday tanishib qolganini ma’lum qildi. Bu haqda “So‘g‘diyona” gazetasi xabar bermoqda.
“Halima bilan to‘yda, tasodifan tanishib qolganmiz. Xizmatda o‘tirsak, do‘mboqqina qizga ko‘zim tushdi. Yoniga bordim-da: “Chiqing, singlim, o‘ynaymiz”, — dedim. “Bo‘ldi, gap yo‘q”, — deb o‘rtaga chiqdi”, — dedi Shukrullo Isroilov.
Shundan so‘ng Shukrullo Isroilov Halima Ibragimovani “Bo‘g‘irsoq-shou” loyihasiga taklif qilishga qaror qilgan. Keyinchalik Halima Ibragimova Teatr va rassomchilik institutiga o‘qishga kirgan, filmlarda rol ijro etdi.
“Mana, bugun hamma bilgan aktrisa, so‘z ustasi. Omadini bersin”, — deya qo‘shimcha qildi qiziqchi Shukrullo Isroilov.
Avvalroq, qiziqchi Shukrullo Isroilov kelini Halima Ibragimovaga qarindosh ekanligi haqidagi gap-so‘zlarni rad etib chiqqandi.
Izoh (0)