«Ўзбекистон» телерадиоканали буюртмасига асосан режиссёр Эргаш Мўминов томонидан «Зурриёд» номли 50 қисмли сериал суратга олинмоқда. Бу ҳақда «Даракчи» газетаси хабар бермоқда.
«Айни дамда Оқтошдаги Хондайлиқ қишлоғида суратга олиш ишлари билан бандмиз. Жараён февраль ойига қадар давом этади. Сериал май ойининг охирида экран юзини кўради», — деди режиссёр.
Кўп қисмли телемаҳсулотда Дилниёз Ғаффорова, Севара Солиева, Баҳодир Мусаев, Хуршид Тўхтаев, Шерзод Боймуродов каби актёр-актрисалар, шунингдек, Муқаддас Холиқова, Доно Бобохонова, Хосият Ҳусанова, Тоҳир Саидов, Маърифат Ортиқова каби 60 га яқин театр актёрлари суратга тушмоқда.
Қайд этишларича, дастлабки 20 қисми экранга чиққач, 2016 йил ёз ойларида сериалнинг иккинчи фаслини суратга олиш ишлари бошланади. Унда биринчи фаслдаги 25 ёшли қаҳрамонларнинг 50 ёшдаги тақдири кўрсатиб берилади.
Изоҳ (0)