Venesuela prezidenti Nikolas Maduroning Nyu-Yorkning Manxetten tumani sudida AQShga narkotiklarni kontrabanda qilish maqsadida til biriktirishda ayblangan ikki qarindoshi o‘z aybini tan olmoqchi emas. Bu haqda ularning advokatlariga tayanib, “TASS” xabar berdi.
Ularning aytishicha, na 30 yoshli Franki Fransisko Flores-de-Freytas, na 29 yoshli Efrain Antonio Kampo-Flores tergov bilan kelishib, ayblarini tan olish niyatida emas. Ular 18-noyabr kuni bo‘lib o‘tadigan kelasi sud majlisida ham shu fikrida qoladi.
Sud ularni garov puli evaziga ozod etish huquqisiz hibsda saqlash haqida qaror qabul qildi.
Bunda gap Venesuela yetakchisining rafiqasi — Siliya Floresning jiyanlari haqida bormoqda. Ayblov xulosasida aytilishicha, ular oktabrda Venesuela hududida uchrashib, AQShga Gonduras orqali narkotiklar partiyasini yetkazib berish rejasini muhokama qilgan.
Eslatib o‘tamiz, Venesuela prezidenti Nikolas Maduroning rafiqasi Siliya Floresning qarindoshlari narkotiklar savdosida gumon qilinib, qo‘lga olindi va 10-noyabr, seshanba kuni AQShga keltirildi.
Izoh (0)