YuKOS bankrot deb e’lon qilinganidan o‘n yil o‘tib, qachonlardir Rossiyada eng yirik bo‘lgan neft kompaniyasining o‘n minglab sobiq aksiyadorlari, nihoyat, o‘z pullarini qaytarib olishni boshladi, deya xabar bermoqda “RBK”. Birinchi bosqichda ular 337 million dollarni qo‘lga kiritishi mumkin.
11-noyabr kuni, 2005-yilda YuKOSning xorijiy aktivlarini himoya qilish uchun yaratilgan ikki shtixting (golland trasti shakli)dan biri pul mablag‘larini neft kompaniyasining sobiq aksiyadorlari foydasiga taqsimlash boshlangani haqida e’lon qildi. Bu shuni anglatadiki, YuKOS aksiyalariga investitsiya kiritgan o‘n minglab sarmoyadorlar o‘zlari ko‘rgan zarar uchun tovon puliga ega bo‘ladi.
Eslatib o‘tamiz, 2006-yilda Moskva hakamlar sudi soliq organi arizasi bilan YuKOSni bankrot deb e’lon qilgan, uning asosiy aktivlari “Rosneft”ga o‘tgan edi. YuKOS sobiq aksiyadorlari Gaaga sudiga murojaat qilib, kompaniya majburan tortib olingani uchun tovon puli talab qilgan.
Izoh (0)