Kazimir Malevichning mashhur “Qora kvadrat” kartinasi ostida ikkita boshqa rangli tasvir yashiringan. Rossiyadagi Tretyakov galereyasi xodimlari tomonidan olib borilgan ilmiy ekspertiza davomida ma’lum bo‘lgan yangilik asarning 100 yilligiga bag‘ishlangan xalqaro anjumanda e’lon qilindi, deya xabar beradi “Gazeta.ru”.
Galereya xodimlari “Qora kvadrat”dagi muallifga tegishli ekanligi taxmin qilingan yozuvni ham o‘qishga muvaffaq bo‘ldi. Bir necha harf yetishmaydigan mazkur yozuv “Qorong‘i g‘orda negrlar jangi” iborasidan iborat ekanligi ma’lum bo‘ldi.
Tadqiqotchilar bu jumladan kelib chiqib, Malevich mo‘yqalamiga mansub rasm fransuz yozuvchisi Alfons Allening 1882-yilda chizilgan “Qorong‘i g‘orda tunda negrlar jangi” kartinasi bilan hamohang chizilganini ta’kidlamoqda.
Izoh (0)