Braziliya parlamenti quyi palatasi raisi Eduardu Kunyaning matbuot anjumani siyosatchi aralashib qolgan korrupsiyali janjalga nisbatan norozilik sifatida uning ustidan o‘nlab soxta dollar sochib yuborilganidan so‘ng to‘xtatildi. Bu haqda “TASS” xabar bermoqda.
26 yoshli Tyagu Fereyra politsiya uni zaldan olib chiqib ketguncha “Kunya, sizga Shveysariyadan posilka keldi”, deya qichqirishga ulgurgan. 100 dollarlik kupyuralarda Benjamin Franklin portreti o‘rniga parlament quyi palatasi raisining surati joylashtirilgandi.
Sentabr oyi oxirlarida Shveysariya prokuraturasi Kunya va uning oila a’zolari nomiga ochilgan bir necha bank hisob raqamlarini muzlatib qo‘ydi. Huquq-tartibot idoralari mazkur hisob raqamlardagi mablag‘ korrupsiya yordamida qo‘lga kiritilganini istisno etmagan.
Kunyaning o‘zi xorijda moliyaviy manbalari borligini inkor etib, siyosiy sabablarga ko‘ra ta’qib qurboni bo‘lganini ta’kidlamoqda. Quyi palata raisi Petrobras davlat neftgaz korporatsiyasi bilan bog‘liq korrupsiyali mojaroda ham gumonlanuvchilardan biri hisoblanadi.
Braziliya parlamentining axloq qo‘mitasi muxolifatdagi deputatlardan kelib tushgan Kunyani vakolatlaridan mahrum etish bo‘yicha talabnomalarni ko‘rib chiqishni boshladi.
Izoh (0)