Tailand poytaxti Bangkokda istiqomat qiluvchi avtohavaskorlar shahar ustidan uchib o‘tgan yorqin bolidni tasvirga olishga muvaffaq bo‘ldi, deya xabar bermoqda “Gazeta.ru”.
Bolid — yorqin meteor bo‘lib, katta tezlikda harakatlanayotgan fazoviy jism bo‘lagining Yer atmosferasiga kelib urilgan vaqtda kuzatiladi. Yerning gazli himoya qobig‘i qarshiligiga duch kelgan fazoviy jism bo‘lagi ko‘p miqdorda energiya ajratgani holda shu zahoti yonib ketadi. Videoda bolid eng yorqin chaqnagan vaqtida shaharni Oy kabi yoritib yuborganini ko‘rish mumkin.
https://www.youtube.com/watch?v=fIUrj2Epq80
Taxminlarga ko‘ra, mazkur bolid sentabr—dekabr oylarida faol bo‘ladigan, 30-oktabr—7-noyabr oralig‘ida esa o‘zining eng yuqori cho‘qqisiga chiqadigan Taurida meteor oqimi bilan bog‘liq bo‘lishi mumkin. 31-oktabr, shanba oqshomida Shvetsiya, Germaniya, Polsha va Belarusda ham shunday yorqin meteorlar kuzatilgan.
Izoh (0)