Sankt-Peterburgda Rossiya layneri Misrda halokatga uchrashi natijasida qurbon bo‘lganlarning jasadlari shaxsini aniqlash jarayoni boshlandi, deb yozadi “Gazeta.ru” Rossiya Favqulodda vaziyatlar vazirligi psixologiya xizmati rahbariga tayanib.
“Biz eng murakkab va og‘ir bosqich — shaxsni aniqlash jarayoniga kirishdik. Hozircha bu jarayonga qo‘shimcha kuchlar talab qilingani yo‘q”, — dedi u.
Muassasa marhumlarning qarindoshlariga yordam ko‘rsatish uchun psixologiya xizmatini tashkillashtirdi.
Avvalroq Sharm-ash-Shayx — Sankt-Peterburg reysi samolyoti aviahalokatida qurbon bo‘lgan yo‘lovchilarning ilk jasadlari Rossiya Favqulodda vaziyatlar vazirligi samolyoti bilan Sankt-Peterburgning “Pulkovo” aerportiga olib kelingani xabar berilgan edi.
Eslatib o‘tamiz, 31-oktabr, shanba kuni Rossiyaning Metrojet (“Kogalimavia”) aviakompaniyasiga tegishli, Sharm-ash-Shayxdan Sankt-Peterburgga uchayotgan Airbus A321 layneri Misrning Shimoliy Sinay viloyati El-Arish shahri yaqinida quladi. Samolyotda jami 224 kishi — 217 nafar yo‘lovchi va 7 nafar ekipaj a’zosi bo‘lgan.
Izoh (0)