Санкт-Петербургда Россия лайнери Мисрда ҳалокатга учраши натижасида қурбон бўлганларнинг жасадлари шахсини аниқлаш жараёни бошланди, деб ёзади «Газета.ru» Россия Фавқулодда вазиятлар вазирлиги психология хизмати раҳбарига таяниб.
«Биз энг мураккаб ва оғир босқич — шахсни аниқлаш жараёнига киришдик. Ҳозирча бу жараёнга қўшимча кучлар талаб қилингани йўқ», — деди у.
Муассаса марҳумларнинг қариндошларига ёрдам кўрсатиш учун психология хизматини ташкиллаштирди.
Аввалроқ Шарм-аш-Шайх — Санкт-Петербург рейси самолёти авиаҳалокатида қурбон бўлган йўловчиларнинг илк жасадлари Россия Фавқулодда вазиятлар вазирлиги самолёти билан Санкт-Петербургнинг «Пулково» аэрпортига олиб келингани хабар берилган эди.
Эслатиб ўтамиз, 31 октябрь, шанба куни Россиянинг Metrojet («Когалимавиа») авиакомпаниясига тегишли, Шарм-аш-Шайхдан Санкт-Петербургга учаётган Airbus A321 лайнери Мисрнинг Шимолий Синай вилояти Эл-Ариш шаҳри яқинида қулади. Самолётда жами 224 киши — 217 нафар йўловчи ва 7 нафар экипаж аъзоси бўлган.
Изоҳ (0)