Xalqaro koinot stansiyasi (XKS) ekipaji a’zolari Skott Kelli va Chell Lindrgen 28-oktabr, chorshanba kuni ochiq koinotga chiqdi. Ularning bort tashqarisidagi ishlari 6,5 soat davom etishi kutilmoqda. Bu haqda “TASS” xabar berdi.
NASA ma’lumotlariga ko‘ra, amerikalik astronavtlarning asosiy vazifasi magnit alfa-spektrometr uchun termoizolyatsiyali qobiq o‘rnatishdan iborat bo‘ladi. Mazkur qurilma stansiyaga 2011-yili qora materiyani tadqiq etish uchun yetkazilgan edi.
Ochiq koinotga chiqish yakunlanganidan so‘ng bir necha soat o‘tgach Kelli 2007- yilda o‘rnatilgan NASA astronavtlarining bir ekspeditsiya davomida orbitada bo‘lish (215 kun) rekordini yangilaydi. Lindgren va Kellining ikkinchi bor ochiq koinotga chiqishi 6-noyabrda amalga oshiriladi.
Eslatib o‘tamiz, XKSda ayni paytda Oleg Kononenko, Sergey Volkov, Mixail Korniyenko (Rossiya), Skott Kelli va Chell Lindgren (AQSh) hamda Kimiya Yuidan (Yaponiya) iborat xalqaro ekipaj ishlamoqda.
Izoh (0)