“Krasnogorsklik mergan”ning haydovchisiga uch kishi o‘ldirilishida sherikchilik aybi qo‘yildi

Moskva viloyatidagi Timoshkino qishlog‘ida o‘ligi topilgan “Krasnogorsklik mergan” Amiran Georgadzening haydovchisi Shota Elizbarashviliga uch kishi o‘ldirilishida sherikchilik qilish va noqonuniy qurol aylanmasida ayblov e’lon qilindi. Bu haqda Rossiya Federatsiyasi Tergov qo‘mitasi rasmiy vakili Vladimir Markin ma’lum qilgan, deya xabar berdi “Gazeta.ru”.

Tergov ma’lumotlariga ko‘ra, keyinchalik huquq-tartibot idoralariga o‘z ixtiyori bilan taslim bo‘lgan Elizbarashvili Georgadzeni jinoyat sodir etilgan joy — Krasnogorsk tumani ma’muriyatiga mashinada yetkazgan. So‘ng avtomobildan qurol solingan sumkani olib, ma’muriyatdagi kabinetga keltirgan.

Georgadze tomonidan ikki kishi o‘ldirilgach, sumkani mashinaga qaytarib kelib, boshlig‘ini Pozdnyakovo qishlog‘idagi kottejga olib borgan. Unga Georgadze kottejda sherigi Tristan Zakaidze bilan uchrashuv belgilagani ma’lum edi. Haydovchi bu uyga ham qurol solingan sumka olib kirgan va qotillik sodir etilgach, yana mashinaga qaytarib olib chiqqan.

Tergov so‘roviga ko‘ra, sud Elizbarashviliga nisbatan hibsga olish chorasini qo‘lladi.