Халқаро коинот станцияси (ХКС) экипажи аъзолари Скотт Келли ва Челл Линдрген 28 октябрь, чоршанба куни очиқ коинотга чиқди. Уларнинг борт ташқарисидаги ишлари 6,5 соат давом этиши кутилмоқда. Бу ҳақда «ТАСС» хабар берди.
NASA маълумотларига кўра, америкалик астронавтларнинг асосий вазифаси магнит альфа-спектрометр учун термоизоляцияли қобиқ ўрнатишдан иборат бўлади. Мазкур қурилма станцияга 2011 йили қора материяни тадқиқ этиш учун етказилган эди.
Очиқ коинотга чиқиш якунланганидан сўнг бир неча соат ўтгач Келли 2007- йилда ўрнатилган NASA астронавтларининг бир экспедиция давомида орбитада бўлиш (215 кун) рекордини янгилайди. Линдгрен ва Келлининг иккинчи бор очиқ коинотга чиқиши 6 ноябрда амалга оширилади.
Эслатиб ўтамиз, ХКСда айни пайтда Олег Кононенко, Сергей Волков, Михаил Корниенко (Россия), Скотт Келли ва Челл Линдгрен (АҚШ) ҳамда Кимия Юидан (Япония) иборат халқаро экипаж ишламоқда.
Изоҳ (0)