Sakkiz nafar rossiyalik qiz sakkiz kun ichida Yerni tark etmasdan turib, Oyga uchib qaytadi. Bunday ilmiy eksperimentni Rossiya Fanlar akademiyasi olimlari o‘tkazishga qaror qildi, deb yozadi “Exo Moskvi”.
“Oy-2015” loyihasi ilmiy rahbari Sergey Ponomaryov aytishicha, sakkiz kun davomida ishtirokchi qizlar 30 dan ortiq ilmiy tajribalarni boshidan kechiradi.
Loyiha chog‘ida ayollar ruhiyati bunday sinovlarga qanchalik darajada chidamliligini aniqlash ko‘zda tutilgan. Eksperimentda kimlar qatnashishi allaqachon ma’lum bo‘lgan, ular Rossiya Fanlar akademiyasi Tibbiy-biologik muammolar instituti xodimalaridir.
Tajribadagi ishtiroki uchun qizlarga hech qanday pul to‘lanmaydi. Loyiha ko‘ngilli xususiyat kasb etadi va olimlarning o‘z tashabbuslari bilan o‘tkaziladi.
Izoh (0)