Business Insider nashri Yerda 1945-yildan beri portlatilgan barcha yadroviy qurollarning animatsiyali xaritasini ko‘rsatuvchi videorolikni tayyorladi. Bu haqda “Korrespondent.net” xabar bermoqda.
Ma’lumki, ilk yadroviy qurol 1945-yil 16-iyulida AQShda sinovdan o‘tkazilgan. Bir oy o‘tar-o‘tmas Yaponiyaning Xirosima va Nagasaki shaharlariga ikki atom bombasi tashlangan.
Shundan beri yadroviy bombalardan qurol sifatida foydalanilmagan, biroq sovuq urush davrida AQSh va sobiq ittifoq minglab “o‘lim bombalari”ni sinovdan o‘tkazgan.
2015-yil avgustida Xirosima va Nagasaki bombardimon qilinganiga 70 yil to‘ldi. Birgina Xirosimada faqatgina “Kichkintoy” bombasining tashlanishi oqibatida 70—80 ming kishi halok bo‘lgan, 1945-yil oxiriga borib esa radioaktiv ta’sir va portlashning boshqa zararli oqibatlari natijasida halok bo‘lganlarning umumiy soni 90—166 ming nafarga yetgan.
Izoh (0)