Business Insider нашри Ерда 1945 йилдан бери портлатилган барча ядровий қуролларнинг анимацияли харитасини кўрсатувчи видеороликни тайёрлади. Бу ҳақда «Корреспондент.net» хабар бермоқда.
Маълумки, илк ядровий қурол 1945 йил 16 июлида АҚШда синовдан ўтказилган. Бир ой ўтар-ўтмас Япониянинг Хиросима ва Нагасаки шаҳарларига икки атом бомбаси ташланган.
Шундан бери ядровий бомбалардан қурол сифатида фойдаланилмаган, бироқ совуқ уруш даврида АҚШ ва собиқ иттифоқ минглаб «ўлим бомбалари»ни синовдан ўтказган.
2015 йил августида Хиросима ва Нагасаки бомбардимон қилинганига 70 йил тўлди. Биргина Хиросимада фақатгина «Кичкинтой» бомбасининг ташланиши оқибатида 70—80 минг киши ҳалок бўлган, 1945 йил охирига бориб эса радиоактив таъсир ва портлашнинг бошқа зарарли оқибатлари натижасида ҳалок бўлганларнинг умумий сони 90—166 минг нафарга етган.
Изоҳ (0)