Yamanda qurolli nizolar boshlanganidan buyon o‘tgan yetti oyda 2,6 mingdan ziyod tinch aholi vakillari halok bo‘ldi, deya xabar bermoqda “RIA Novosti” Inson huquqlari bo‘yicha BMT Oliy komissari boshqarmasi matbuot kotibi Rupert Kolvillga tayanib.
26-martdan 26-oktabrgacha bo‘lgan davrda Yamandagi nizolar 2615 fuqaro o‘limiga sabab bo‘lgan, yana 5193 kishi yaralangan. Qurbonlarning 814 nafari xusiylar va ularning ittifoqdoshlari hujumlari natijasida, 1641 nafari esa havodan yog‘dirilgan o‘qlar natijasida halok bo‘lgan.
Nashr eslatishicha, Yamanda shialarning “Ansor Alloh” harakati va sobiq prezident Ali Abdulla Solihga sodiq armiya qismlari hamda ular surib chiqargan prezident Abdu Rabbu Mansur Hodiy qo‘shinlari o‘rtasida qurolli nizolar davom etmoqda.
Izoh (0)