Belgiyaning Flavin shahridagi kazarmaga qilingan hujum “katta ehtimol bilan” ruhiy xasta kishi tomonidan amalga oshirilgan, deya xabar bermoqda “TASS” RTL telekanaliga tayanib.
Avvalroq politsiya jinoyatchini hibsga olgan edi, biroq hozircha uning shaxsi haqida rasman ma’lumot berilgani yo‘q.
“Ko‘plab omillar kazarmaga hujumda ruhiy xasta kishining qo‘li borligini ko‘rsatmoqda. Buni politsiyadagi manbalar tasdiqlaydi. Prokuratura ushbu hodisani terakt deb hisoblamayapti”, — deya aniqlik kiritdi telekanal.
Eslatib o‘tamiz, qaytarma qalpoq kiygan shaxs avtomobilini Flavindagi harbiy qism hududiga kirish oldida to‘xtatib, harbiylarga qarata bir necha bor o‘q uzgan va shundan so‘ng voqea joyidan yashirinishga uringan.
Harbiylar o‘q ovozlariga javob bergan, o‘rtada kichik otishma kelib chiqqan. Xabar berishlaricha, harbiylarga zarar yetmagan
Izoh (0)