26-oktabrga o‘tar kechasi o‘tkazilgan reyd natijasida Iordan daryosining G‘arbiy qirg‘og‘ida qidiruvda bo‘lgan 22 nafar falastinlik hibsga olindi, deya xabar bermoqda Jerusalim Post Isroil Mudofaa armiyasiga tayanib. Ularning uch nafari HAMAS harakati a’zolaridir.
Gumonlanuvchilar so‘roq uchun Isroilning “Shabak” ichki xavfsizlik xizmatiga jo‘natildi. Ular Jenin shahrida qo‘lga tushirildi.
Xabarlarga ko‘ra, Isroil Mudofaa armiyasi kuchlari “Shabak” bilan birgalikda harakat qilgan.
Nashr eslatishicha, 20-oktabr kuni Iordan daryosi G‘arbiy qirg‘og‘ida HAMAS yetakchilaridan biri Hasan Yusuf qo‘lga olingan edi.
Izoh (0)