Kanada bosh vaziri Stiven Xarper 19-oktabr, dushanba kuni bo‘lib o‘tgan parlament saylovlaridagi mag‘lubiyatdan so‘ng hukmron konservativ partiya yetakchisi lavozimini tark etishga qaror qildi. Bu haqda “RIA Novosti” xabar bermoqda.
“Bosh vazir Stiven Xarper bilan gaplashdim. U vaqtinchalik yetakchini tayinlash uchun konservatorlarning parlamentdagi yangi guruhi bilan bog‘lanish kerakligini aytdi”, — deya ma’lum qildi partiya prezidenti Jon Uolsh.
Byulletenlarning salkam 80 foizi tekshirib chiqilgach, konservatorlar 31 foizdan sal oshiqroq ovoz to‘plagani va parlamentdagi 338 o‘rindan atigi 102 tasini egallagani oydinlashdi. Saylovlarda 40 % ovoz va 189 o‘rin bilan Jastin Tryudo boshchiligidagi Liberal partiya g‘olib chiqdi.
Izoh (0)