Londondagi qator banklar yangi tizimni joriy qilmoqda, unga ko‘ra, mijozlar shaxsni tasdiqlash uchun selfiga tushishi kerak. Bu haqda “Gazeta.ru” xabar bermoqda.
Nyu-yorklik ishlab chiquvchi Percieve deb nomlangan dasturiy ta’minotni yaratdi, u firibgarlik holatlarini aniqlash uchun biometrik ma’lumotlardan foydalanadi. Dastur olingan tasvirni tahlil qilib, mijozning shaxsini tasdiqlaydi. Qo‘shimcha tekshiruv sifatida u ushbu rasmni Facebook, Twitter, LinkedIn kabi ijtimoiy tarmoqlardagi fotosuratlar bilan solishtiradi. Tekshiruv yakunlangach, tizim to‘lovni tasdiqlaydi yoki firibgarlikka urinish haqida bildirishnoma chiqarib beradi.
Xabarlarga ko‘ra, Londondagi bir nechta yirik bank dasturning beta-versiyasidan foydalanishni boshlamoqchi, biroq ulardan hech biri bu haqda ommaga e’lon qilganicha yo‘q.
Izoh (0)