Канада бош вазири Стивен Харпер 19 октябрь, душанба куни бўлиб ўтган парламент сайловларидаги мағлубиятдан сўнг ҳукмрон консерватив партия етакчиси лавозимини тарк этишга қарор қилди. Бу ҳақда «РИА Новости» хабар бермоқда.
«Бош вазир Стивен Харпер билан гаплашдим. У вақтинчалик етакчини тайинлаш учун консерваторларнинг парламентдаги янги гуруҳи билан боғланиш кераклигини айтди», — дея маълум қилди партия президенти Жон Уолш.
Бюллетенларнинг салкам 80 фоизи текшириб чиқилгач, консерваторлар 31 фоиздан сал ошиқроқ овоз тўплагани ва парламентдаги 338 ўриндан атиги 102 тасини эгаллагани ойдинлашди. Сайловларда 40 % овоз ва 189 ўрин билан Жастин Трюдо бошчилигидаги Либерал партия ғолиб чиқди.
Изоҳ (0)