Turkiya Respublikasidan 17 nafar plastik jarroh, anesteziolog va boshqa tibbiyot mutaxassislari O‘zbekistonga tashrif buyurdi. Bu haqda O‘zbekiston Sog‘liqni saqlash vazirligi axborot xizmati xabar bermoqda.
Turkiyalik shifokorlar delegatsiyasi 16—23-oktabr kunlari Farg‘ona viloyati bolalar ko‘p tarmoqli tibbiyot markazida Farg‘ona, Andijon va Namangan viloyatlaridan kelgan yuz sohasidagi tug‘ma va kuyishdan keyingi asoratlar, yuqori lab va qattiq tanglayning tug‘ma nuqsonlari bo‘lgan bolalarni umumiy chuqurlashtirilgan tibbiy ko‘rikdan o‘tkazadi.
Sog‘liqni saqlash vazirligidan ma’lum qilishlaricha, tibbiy ko‘rik vaqtida ahvoli og‘ir deb topilgan bemorlar jarrohlik yo‘li bilan sog‘lomlashtiriladi.
“Mazkur xayriya tadbiri O‘zbekiston Sog‘liqni saqlash vazirligi, “Sog‘lom avlod uchun” xalqaro xayriya fondi va Turkiya Respublikasining qator nufuzli shifoxonalari bilan hamkorlikda tashkil etildi”, — deyiladi vazirlik xabarida.
Izoh (0)