Туркия Республикасидан 17 нафар пластик жарроҳ, анестезиолог ва бошқа тиббиёт мутахассислари Ўзбекистонга ташриф буюрди. Бу ҳақда Ўзбекистон Соғлиқни сақлаш вазирлиги ахборот хизмати хабар бермоқда.
Туркиялик шифокорлар делегацияси 16—23 октябрь кунлари Фарғона вилояти болалар кўп тармоқли тиббиёт марказида Фарғона, Андижон ва Наманган вилоятларидан келган юз соҳасидаги туғма ва куйишдан кейинги асоратлар, юқори лаб ва қаттиқ танглайнинг туғма нуқсонлари бўлган болаларни умумий чуқурлаштирилган тиббий кўрикдан ўтказади.
Соғлиқни сақлаш вазирлигидан маълум қилишларича, тиббий кўрик вақтида аҳволи оғир деб топилган беморлар жарроҳлик йўли билан соғломлаштирилади.
«Мазкур хайрия тадбири Ўзбекистон Соғлиқни сақлаш вазирлиги, «Соғлом авлод учун» халқаро хайрия фонди ва Туркия Республикасининг қатор нуфузли шифохоналари билан ҳамкорликда ташкил этилди», — дейилади вазирлик хабарида.
Изоҳ (0)