Gvatemalaning Santa-Katarina-Pinula shahrida yuz bergan ko‘chki oqibatida halok bo‘lganlar soni 280 kishiga yetdi. Bu haqda mamlakat prokuraturasi ma’lum qilgan, deya xabar beradi “RIA Novosti”.
Oldinroq 263 kishi nobud bo‘lgani xabar qilingan edi. Tabiiy ofat oqibatlariga qarshi milliy muvofiqlashtirish markazi ma’lumotlariga ko‘ra, yana 350 nafardan ziyod odam vayronalar ostida qolgan bo‘lishi mumkin.
Xabar qilinishicha, 19-oktabr kuni rasmiylar qutqaruv amaliyoti yakunlanadigan sanani e’lon qilishlari mumkin, chunki mazkur ishlar olib borilayotgan hududda qayta ko‘chki yuz berishi xavfi istisno etilmayapti.
Mamlakatdagi bir qator ekologlar yuz bergan fojiada ko‘chkilarga moyil hududlarda qurilishga ruxsat bergan mahalliy hokimiyat vakillarini aybladi. Bu tanqidlarga Gvatemala arxiyepiskopi ham qo‘shilgan.
Izoh (0)