Гватемаланинг Санта-Катарина-Пинула шаҳрида юз берган кўчки оқибатида ҳалок бўлганлар сони 280 кишига етди. Бу ҳақда мамлакат прокуратураси маълум қилган, дея хабар беради «РИА Новости».
Олдинроқ 263 киши нобуд бўлгани хабар қилинган эди. Табиий офат оқибатларига қарши миллий мувофиқлаштириш маркази маълумотларига кўра, яна 350 нафардан зиёд одам вайроналар остида қолган бўлиши мумкин.
Хабар қилинишича, 19 октябрь куни расмийлар қутқарув амалиёти якунланадиган санани эълон қилишлари мумкин, чунки мазкур ишлар олиб борилаётган ҳудудда қайта кўчки юз бериши хавфи истисно этилмаяпти.
Мамлакатдаги бир қатор экологлар юз берган фожиада кўчкиларга мойил ҳудудларда қурилишга рухсат берган маҳаллий ҳокимият вакилларини айблади. Бу танқидларга Гватемала архиепископи ҳам қўшилган.
Изоҳ (0)