Turkiya mamlakatga NATO qo‘shinlarini kiritishni so‘rab, alyans rahbariyatiga murojaat qilmagan. Bu haqda, “RBK”ning xabariga ko‘ra, Turkiya Tashqi ishlar vazirligining rasmiy vakili ma’lum qildi.
Kuni kecha NATO bosh kotibi Yens Stoltenberg Turkiyaga qo‘shinlarni yuborishga tayyor ekanligini ma’lum qilgandi. “NATO o‘zining barcha ittifoqchilarini, xususan, Turkiyani ham har qanday tahdidlardan himoya qilishga tayyor va qodir”, — deya, Stoltenberg Rossiyaning Suriyadagi aviazarbalari “xavotirga sabab bo‘layotgani”ni qayd etgandi.
Alyans bosh kotibi mazkur bayonotni NATOga a’zo mamlakatlarning mudofaa vazirlari ishtirokidagi Bryussel sammiti arafasida berdi. Uchrashuvda Rossiyaning Suriyadagi harbiy operatsiyasi masalasi ham ko‘rib chiqildi.
Muzokaralar davomida Stoltenberg, agar zarurat tug‘ilsa, alyans qo‘shinlari Turkiyaga jo‘natilishi mumkinligi, biroq hozircha bunday qilinmoqchi emasligi, chunki Turkiya armiyasi kuchli ekanligini aytib o‘tdi.
Izoh (0)