Germaniya kansleri Angela Merkel Sharqiy Yevropa hukumatlarining muhojirlar masalasida tutgan yo‘lini qattiq tanqid ostiga oldi. Bu haqda “Yevropeyskaya pravda” xabar bermoqda.
“Sharqiy yevropaliklar, jumladan, o‘zim ham ajralish, yakkalanib qolish hech qachon naf keltirmasligini boshimizdan o‘tkizganmiz, — dedi Merkel Yevropa xalq partiyasi a’zolari oldidagi chiqishi chog‘ida. — Shu ma’noda qochoqlarni qabul qilishdan bosh tortish Yevropa uchun xavfdan o‘zga narsa emas. Bizdan avvalgidan ko‘ra birdamroq va ahil bo‘lish talab etiladi”.
Merkel qochoqlarni qabul qilishni “din uchun xatar” deb tasavvur etayotgan Yevropadagi davlatlardan noroziligini yashirmadi. “Musulmonlarni qabul qilmayman”, deyishdan ham toymaydiganlarga aytadiganim—bunday fikrlar hatto muhokama ham etilmaydi. Mamlakatimizda musulmonlar yoki masjidlarni borligini hazm qilolmasak, butun dunyoda nasroniylarni himoya qilamiz, deb ko‘krak kerishdan nima naf? Bunaqasi ketmaydi”, deya ta’kidlagan Germaniya kansleri.
Izoh (0)