Ukraina Vazirlar Mahkamasi Rossiya kompaniyalariga nisbatan qo‘shimcha sanksiyalarni joriy etish haqidagi qaror loyihasini tayyorlamoqda. Bu haqda, “Segodnya.ua” xabariga ko‘ra, Ukraina hukumati matbuot xizmatining Twitter’dagi sahifasida axborot berilgan.
Eslatib o‘tamiz, 16-sentabr kuni Ukraina prezidenti Pyotr Poroshenko o‘z farmoni bilan mamlakat Milliy xavfsizlik va mudofaa kengashining 2-sentabrdagi — Rossiyadagi yuridik va jismoniy shaxslarga nisbatan sanksiyalar qo‘llash haqidagi qarorini tasdiqlagandi.
Sanksiyalar bir yil muddatga tatbiq etilgan bo‘lib, ular Qrim anneksiyasi va Donbassdagi agressiyaga aloqador Rossiya va boshqa mamlakatlarning 400 dan ortiq jismoniy va 90 dan ziyod yuridik shaxsiga daxl qiladi.
Izoh (0)