Saudiya Arabistoni qiroli Salmon tiqilinchda yuzlab musulmonlar halok bo‘lgach, Makkada haj ziyoratini o‘tkazish qoidalarini qayta ko‘rib chiqish haqida buyruq berdi, deya xabar qiladi “Korrespondent.net”.
Avvalroq Makka yaqinidagi Mino vodiysida ziyoratchilarning to‘planib qolishi oqibatida yuzaga kelgan tiqilinch tufayli halok bo‘lganlar soni 717 kishiga yetgani, jabrlanuvchilar soni 805 nafarni tashkil etgani xabar berilgan edi. Bu so‘nggi 25 yil ichida haj ziyorati vaqtidagi eng ko‘p sonli qurbondir.
Qirol ziyoratchilar harakatini yaxshiroq tashkillashtirish kerakligini aytdi.
Eron diniy rahbari Oyatulloh Xomeneiy Saudiya Arabistoni hukumatini ziyoratchilar xavfsizligini ta’minlashga qodir emaslikda aybladi.
Eslatib o‘tamiz, tiqilinch haj marosimlaridan biri — shaytonga tosh otish vaqtida ro‘y bergan. Marosim vaqtida 100 minglab odamlar bir joyga to‘planib qolgan va tartibsiz harakat qilgan.
Izoh (0)