Саудия Арабистони қироли Салмон тиқилинчда юзлаб мусулмонлар ҳалок бўлгач, Маккада ҳаж зиёратини ўтказиш қоидаларини қайта кўриб чиқиш ҳақида буйруқ берди, дея хабар қилади «Корреспондент.net».
Аввалроқ Макка яқинидаги Мино водийсида зиёратчиларнинг тўпланиб қолиши оқибатида юзага келган тиқилинч туфайли ҳалок бўлганлар сони 717 кишига етгани, жабрланувчилар сони 805 нафарни ташкил этгани хабар берилган эди. Бу сўнгги 25 йил ичида ҳаж зиёрати вақтидаги энг кўп сонли қурбондир.
Қирол зиёратчилар ҳаракатини яхшироқ ташкиллаштириш кераклигини айтди.
Эрон диний раҳбари Оятуллоҳ Хоменеий Саудия Арабистони ҳукуматини зиёратчилар хавфсизлигини таъминлашга қодир эмасликда айблади.
Эслатиб ўтамиз, тиқилинч ҳаж маросимларидан бири — шайтонга тош отиш вақтида рўй берган. Маросим вақтида 100 минглаб одамлар бир жойга тўпланиб қолган ва тартибсиз ҳаракат қилган.
Изоҳ (0)