“Saxalin ekologik vaxtasi” tabiatni muhofaza qilish tashkiloti adliya vazirligi tomonidan “chet el agentlari” ro‘yxatiga kiritilgach, xorijiy moliyaviy ko‘makdan voz kechdi, deya xabar bermoqda “RIA Novosti”.
Tashkilot tarqatgan press-relizda aytilishicha, ko‘pchilik a’zolar ovozi bilan “Ekovaxta”da bo‘lgan chet el moliyaviy yordamining barchasini qaytarib berish va bundan keyin uni qabul qilishdan voz kechishga qaror qilingan. Birinchi navbatda, bu Gollivud aktyori Leonardo Di Kaprio jamg‘armasidan 2015-yil iyulida olingan xayriyadir.
“‘Saxalin ekovaxtasi’ Rossiyada birinchi bo‘lib uning ko‘magiga ega bo‘ldi. Biroq bugun (23-sentabr) ertalab 159 ming dollar mablag‘ jamg‘armaga qaytarib yuborildi”, — deyiladi press-relizda.
Izoh (0)