Saudiya Arabistoni o‘zining ikki nafar harbiy xizmatchisi Yamandagi isyonchi xusiylar qo‘liga asir tushganini tan oldi. Bu haqda “TASS” xabar bermoqda.
“Ikki nafar saudiyalik askar harbiy bo‘linmalari Yaman hududiga kirganidan so‘ng dom-daraksiz yo‘qolgan. Ular tirik ekanligi va xusiylar qo‘liga asir tushganligi to‘g‘risida ma’lumotlar bor”, — deya ta’kidlagan arab koalitsiyasining rasmiy vakili, general Ahmad Asiriy. General xalqaro Jeneva konvensiyasi tamoyillariga amal qilish va asirlarning ismlari yoki suratlaridan tashviqot maqsadida foydalanmaslikka chaqirdi.
Saudiyalik askarlarning Yamanda asirga tushgani to‘g‘risidagi bayonot arab koalitsiyasi ushbu mamlakatda harbiy amaliyotlarni boshlagandan beri bunday hodisaning birinchi rasmiy tasdig‘idir.
Izoh (0)