Abadiy muzloq yerlarning erishidan yetadigan zarar o‘nlab trillion dollarga baholandi

Abadiy muzloq yerlarning erishi insoniyatga 3 trilliondan 166 trillion dollargacha tushishi mumkin (2100-yilga kelib). Bunday xulosaga amerikalik iqlimshunoslar global isishdan yetadigan iqtisodiy zararni hisoblab chiqib, keldi, deya xabar bermoqda Science News.

Olimlar dastlab abadiy muzloq hudud qancha metan va uglerod dioksidi ajratib chiqarishini hisob-kitob qildi, so‘ng olingan ma’lumotlarni issiqxona gazlari chiqindilaridan yetadigan iqtisodiy zararni baholaydigan boshqa modelga kiritdi. Uning hisoblashicha, karbonat angidrid gazining atmosferadagi darajasi 2100-yilga kelib 75 foizga oshsa (inson faoliyati tufayli), bu taxminan 326 trillion dollarga tushadi.

Abadiy muzloq yerlarning erishi esa ushbu summaga yana 3 dan 166 trillion dollargacha mablag‘ni qo‘shadi.