AQSh harbiy-havo kuchlari Yevropaga qo‘shimcha ravishda 12 ta A-10 Thunderbolt II shturmchi samolyotlarini joylashtiradi. Bu haqda “Korrespondent.net” xabar bermoqda.
“Qo‘shma Shtatlar harbiy-havo kuchlari NATO operatsiyalari doirasida xavfsizlikni qo‘llab-quvvatlashga qaratilgan choralar davomi sifatida butun Yevropa bo‘ylab tarqalgan bazalarga 12 ta A-10 Thunderbolt II samolyotini joylashtiradi”, — dedi AQShning Yevropadagi qo‘mondonligi vakili.
Samolyotlar bilan birga AQShning Jorjiya shtatida joylashgan Mudi harbiy-havo kuchlari bazasi shaxsiy tarkibidan 300 kishi hamda qo‘shimcha qurilma va uskunalar Yevropaga olib kelinadi.
Samolyotlar aynan qayerlarga joylashtirilishi ular Yevropaga yetib kelganidan so‘ng ma’lum qilinadi. Ma’lumot uchun, avgust oyi oxirida AQSh beshinchi avlod F-22 Raptor samolyotlarining beshtasini Germaniyaga joylashtirgan edi.
Izoh (0)