Sharif Ismoil boshchiligidagi Misrning yangi hukumati 18-sentabr, shanba kuni mamlakat prezidenti Abdul Fattoh as-Sisiy oldida qasamyod qildi. Bu haqda “RIA Novosti” xabar bermoqda.
Dastlabki reja bo‘yicha vazirlar mahkamasining yangi tarkibi 17-sentabr, payshanba kuni qasamyod qilishi kerak edi, biroq bir qator nomzodlarning vazirlik lavozimlarini rad etishi oqibatida, maslahatlashuvlar yana bir kun davom etdi.
Misr prezidenti 12-sentabrda Ibrohim Maxlyab hukumatining iste’fosini qabul qilib, yangi vazirlar mahkamasi tayinlanguniga qadar o‘z vazifasini bajarib turish haqida ko‘rsatma bergandi.
Eski hukumat korrupsiyada ayblangan Misr qishloq xo‘jaligi vaziri Saloh Hilolning hibsga olinishi ortidan kelib chiqqan yirik mojaro ortidan iste’fo berishga majbur bo‘ldi.
Maxlyab hukumati 2014-yil iyunidan beri ishlab kelayotgan edi. Vazirlar Mahkamasida o‘zgarishlar bo‘lishi haqidagi mish-mishlar bir necha oydan beri bor edi va bu o‘zgarishlar Suvaysh kanalining yangi oqimi ochilishi bilan bog‘liq tantanalardan so‘ng yuz berishi kutilayotgan edi.
Izoh (0)