Nyu-Yorkda istiqomat qiluvchi Jeyson va Kelli Fenli mutlaq o‘xshash egizaklar — Maylz, Noa va Ouen Fenlining ota-onasiga aylandi. Bu haqda “Nur.kz” xabar bermoqda.
Uch egizakning ikki yoshli akasi Eyden ularning barchasini bir ism bilan chaqirishga qaror qildi. Egizaklar taxmin qilingan sanadan ikki oy avval tug‘ildi. Ularning har biri 1,3 kilogramm og‘irlikda, shuningdek, to‘la sog‘lom va kuchli holatda tug‘ildi.
Qayd etishlaricha, bunday mutlaq bir xil egizaklarning tug‘ilishi har 50 million holatning faqat bittasida yuz beradi. “Ba’zi odamlar lotereyada pul yutug‘ini qo‘lga kiritadi. Biz esa genetik lotereya sovrindorlariga aylandik va bundan juda xursandmiz”, — dedi egizaklarning otasi, 38 yoshli advokat Jeyson Fenli.
Uning turmush o‘rtog‘i, alohida ehtiyojlari bor bolalar maktabida o‘qituvchilik qiluvchi 33 yoshli Kelli o‘z egizaklarini saqlab qolish uchun, tug‘uruqdan avval 50 kun davomida shifoxonada yotdi. Bolalarni farqlash uchun ota-ona ularning oyoq tirnoqlarini turli ranglar bilan bo‘yab qo‘ydi.
Izoh (0)