Yamandagi isyonchi xusiylarga qarshi kurash olib borayotgan Saudiya Arabistoni boshliq arab mamlakatlari koalitsiyasi samolyotlari Yaman poytaxti Sanadagi Ichki ishlar vazirligi binosiga zarba berdi. Bu haqda “RIA Novosti” xabar bermoqda.
Shia isyonchilariga qarshi yangi havo operatsiyasi 18-sentabr, juma kuni oqshomda o‘tkazilgan. Mahalliy aholi ma’lumotlariga ko‘ra, koalitsiya samolyotlari shahar shimolidagi vazirlik binosiga, shuningdek, politsiya lageri va harbiy binosiga 10 ga yaqin zarba bergan.
Yamanda bir tomondan shialarning “Ansorulloh” harakatiga mansub isyonchi xusiylar va sobiq prezident Ali Abdulla Solihga sodiq armiya kuchlari, ikkinchi tomondan quvg‘indagi prezident Abd Rabbu Mansur Hodiy qo‘shinlari o‘rtasidagi qurolli nizo davom etmoqda. Saudiya Arabistoni boshliq arab mamlakatlari koalitsiyasi Hodiyning yonini olib chiqdi va 26-martdan beri Yamanning xusiylar nazorati ostidagi hududlariga aviazarbalar bermoqda.
Izoh (0)