BinLaden Group qurilish kompaniyasining qurilish krani Makkadagi masjidga qulaganidan so‘ng, Saudiya Arabistoni korxonaga mamlakatda o‘z faoliyatini davom ettirishini taqiqlab qo‘ydi, deya xabar bermoqda “Korrespondent.net”.
BinLaden Group’dagilar qurilish krani ishonchli mahkamlangani, hodisa “Xudoning ishi” bo‘lganini ta’kidlamoqda.
Mahalliy OAVlar xabariga ko‘ra, Saudiya Arabistoni Qirollik sudi 15-sentabrda kompaniyaga tergov davom etib turgan paytda yangi shartnomalar imzolashni man qildi.
Sud, shuningdek, 1 million Saudiya riali (taxminan 270 ming dollar) miqdorida tovon puli to‘lashga hukm qildi.
Avvalroq xabar berilganidek, Makkadagi Al Haram masjidiga qulab tushgan kran Saudi BinLaden Group nemis qurilish kompaniyasiga tegishli bo‘lib, ushbu kompaniyaning egasi Usama bin Ladenning oilasi hisoblanadi.
Eslatib o‘tamiz, 11-sentabr kuni Makkadagi Al Haram masjidiga minorali kran qulab tushgan edi. Bu paytda u yerda yuzlab ziyoratchilar bo‘lgan.
Izoh (0)