Qozog‘istonning Olmaota shahar prokuraturasi tomonidan viloyat kasalxonasi hamshirasi tomonidan yangi tug‘ilgan chaqaloqni 3 ming dollarga sotish holati aniqlandi. Bu haqda Kazakhstan Today xabar bermoqda.
Ma’lum bo‘lishicha, Olmaota viloyat ko‘p tarmoqli klinik shifoxonasi tug‘uruq bo‘limi hamshirasi yangi tug‘ilgan chaqaloqni 3 ming dollarga sotishga uringan vaqti qo‘lga tushgan.
“Aniqlanishicha, chaqaloqning onasi O‘zbekiston fuqarosi bo‘lib, hozirgi vaqtda bola o‘z onasiga qaytarib berilgan”, — deyiladi Olmaota prokuraturasi xabarida.
Kazakhstan Today’ning Olmaota huquqni muhofaza qilish idoralariga asoslanib xabar berishicha, kasalxona shifokorlari yolg‘iz yoki kam ta’minlangan onalarni aldash yo‘li bilan, 2013-yildan beri kamida 13 nafar chaqaloqni bolasi yo‘q oilalarga sotib yuborgan.
Izoh (0)