Rossiya AQSh va Saudiya Arabistoni bilan Suriya prezidenti Bashar Asadni iste’foga chiqarish shartlari yuzasidan muzokaralarga kirishdi. Ularda Asad vaqtinchalik davlat rahbari bo‘lib turadigan o‘tish davri rejasi muhokama qilinmoqda. Bu haqda nomi sanalgan mamlakatlar va Suriya muxolifatidagi manbalarga tayanib, Bloomberg ma’lum qildi, deya xabar bermoqda Meduza.
Bloomberg’ning ta’kidlashicha, Asadning hokimiyatdan chetlashtirilishi shartlari bo‘yicha muzokaralar Rossiya prezidenti Vladimir Putin iyun oyida Saudiya Arabistoni qirolining o‘g‘li bilan uchrashganidan beri davom etmoqda.
Eslatib o‘tamiz, Rossiya Suriyada fuqarolar urushi boshlangan 2011-yildan beri Bashar Asadni qo‘llab-quvvatlab kelmoqda. 2013-yilda aynan Rossiyaning vositachiligi tufayli AQShning Suriyaga nisbatan harbiy operatsiyalari to‘xtatib qolingan edi. Hozirgi kunda OAVda Rossiyaning Suriyadagi harbiy ishtiroki ko‘lami kengayib borayotgani to‘g‘risidagi materiallar bot-bot chop etilmoqda.
Izoh (0)